ഗുജറാത്ത് സംസ്ഥാനത്തിലെ ഏറ്റവും തിരക്കേറിയ റെയിൽവേ ജംഗ്ഷനുകളിൽ ഒന്നാം സ്ഥാനത്ത് ആണ് വഡോദര ജംഗ്ഷൻ. ഇന്ത്യയിലെ തിരക്കേറിയ സ്റ്റേഷനുകളുടെ കാര്യത്തിൽ ഒമ്പതാം സ്ഥാനം ഈ റെയിൽവേ സ്റ്റേഷന് സ്വന്തം. ദിവസവും 100 കണക്കിന് ട്രെയിനുകൾ ഇതു വഴി കടന്നു പോകുന്നു.
സ്റ്റേഷന്റെ കോഡ് BRC എന്നതാണ്. പശ്ചിമ റയിൽവെ( western railway) സോണിൽ വഡോദര ഡിവിഷന് കീഴിലാണ് ഈ സ്റ്റേഷന്റെ പ്രവർത്തനം.
പ്ലാട്ഫോം
വഡോദര റെയിൽവേ സ്റ്റേഷനിൽ മൊത്തം 7 പ്ലാട്ഫോമുകളും 9 ട്രാക്കുകളും ആണുള്ളത്.
സൗകര്യങ്ങൾ
വഡോദര പട്ടണത്തിലെ പ്രധാന റെയിൽവേ സ്റ്റേഷൻ എന്ന നിലയിൽ നിരവധി യാത്രക്കാർ ദിവസേന ഇവിടെ എത്തുന്നു.അതുകൊണ്ടു അവർക്ക് ആവശ്യമായ സൗകര്യങ്ങൾ ഇവിടെ ഒരുക്കിയിട്ടുണ്ട്.
എസ്‌കലേറ്റർ- സ്റ്റേഷനിലെ ഒന്നാം നമ്പർ പ്ലാറ്ഫോമിൽ എസ്‌കലേറ്റർ സംവിധാനം ഒരുക്കിയിട്ടുണ്ട്. അവിടെ നിന്നു 6 വരെയുള്ള പ്ലാട്ഫോമുകളിലേക്ക് എത്തിച്ചേരാൻ സാധിക്കും. അതോടൊപ്പം 2,3,6 പ്ലാട്ഫോമുകളിലേക്ക് ചെരിഞ്ഞ രാംപുകളും ഉണ്ട്.
വെയ്റ്റിംഗ് റൂം - ടോയ്ലറ്റ് സഹിതമുള്ള സൗകര്യങ്ങൾ ഉള്ള വെയ്റ്റിംഗ് റൂം വഡോദര ജംഗ്ഷൻ റെയിൽവേ സ്റ്റേഷനിൽ ലഭ്യമാണ്.
ATM - രാജ്യത്തെ പല പ്രമുഖ ബാങ്കുകളുടെയും ATM കൾ സ്റ്റേഷന്റെ പരിസരത്തു ഉണ്ട്.
Police - റയിൽവെ പോലീസ് ഫോഴ്സിന്റെ (RPF) സേവനം ഈ സ്റ്റേഷനിൽ ഉണ്ട്.
കുടിവെള്ളം - കുടിവെള്ളത്തിന് ആവശ്യമായ ടാപ്പുകളും മറ്റും സ്റ്റേഷനിൽ ഉണ്ട്.
റയിൽവെ ലൈനുകൾ
ഒരു ജംഗ്ഷൻ സ്റ്റേഷൻ പല റൂട്ടുകളിലെ തീവണ്ടികളെ കൈകാര്യം ചെയ്യേണ്ടതുണ്ട്. വഡോദര ജംഗ്ഷൻ റെയിൽവേ സ്റ്റേഷൻ പ്രധാനമായും 3 റെയിൽവേ റൂട്ടുകളെ കൈകാര്യം ചെയ്യുന്നു.
മുംബൈ- അഹമ്മദാബാദ് ലൈൻ - ഈ റൂട്ട് വഡോദരയിൽ എത്തി അവിടെ നിന്നു തിരിഞ്ഞു ആനന്ദ് വഴി അഹമ്മദാബാദിൽ ചെല്ലുന്നു.
മുംബൈ - ഡൽഹി ലൈൻ - ഈ റൂട്ടിലെ ട്രെയിനുകൾ വഡോദര പിന്നിട്ട് കോട്ട, മധുര വഴി ഡൽഹിയിലേക്ക് പോകുന്നു.
വഡോദര - ചോട്ടാ ഉദയ്പുർ ലൈൻ - വഡോദര ജംഗ്ഷനിൽ നിന്നും വഡോദരയിലെ തന്നെ പ്രതാപനഗർ സ്റ്റേഷൻ വഴി തിരിഞ്ഞ് ഈ ട്രെയിൻ ചോട്ടാ ഉദയ്പൂർ എത്തുന്നു.
പൊതുഗതാഗതം
വഡോദര റെയിൽവേ സ്റ്റേഷനിൽ നിന്നും സിറ്റിയുടെ മറ്റു ഭാഗങ്ങളിലേക്കോ സംസ്ഥാനത്തിന്റെ മറ്റു ഭാഗങ്ങളിലേക്കോ യാത്ര ചെയ്യാനുള്ള വ്യത്യസ്ത പൊതുഗതാഗത സംവിധനങ്ങൾ വഡോദര റെയിൽവേ സ്റ്റേഷനിൽ നിന്നോ പരിസരത്തു നിന്നോ ലഭ്യമാണ്.
ബസ് സർവീസ് - വഡോദര റയിൽവെ സ്റ്റേഷനിൽ നിന്നു 350 metre ദൂരത്തിൽ അടുത്തടുത്തായി ഗുജറാത്ത് സ്റ്റേറ്റ് ട്രാൻസ്പോർട് (GSRTC) ഡിപ്പോയും സിറ്റി ബസ് സ്റ്റേഷനും ഉണ്ട്.
ഓട്ടോ/ ടാക്സി - റെയിൽവേ സ്റ്റേഷനിൽ നിന്നും പുറത്തിറങ്ങിയാൽ ഓട്ടോകളും, ടാക്സികളും ഒക്കെ ലഭിക്കും.
അതുമല്ലെങ്കിൽ Uber, Ola എന്നി കമ്പനികളുടെ ക്യാബ് ബുക് ചെയ്യാനും സാധിക്കും.
സ്റ്റോപ്പുള്ള തീവണ്ടികൾ
കേരളത്തിലൂടെ യാത്ര ചെയ്തു വഡോദര റെയിൽവേ സ്റ്റേഷനിൽ നിർത്തുന്ന തീവണ്ടികളിൽ ചിലതിനെയാണ് ഈ ലിസ്റ്റിൽ ചേർക്കുന്നത്:
തിരുവനന്തപുരം- ഹസ്രത് നിസാമുദ്ധീൻ രാജധാനി എക്സ്പ്രസ്
ഏറണാകുളം - ഹസ്രത് നിസാമുദ്ധീൻ തുരന്തോ എക്സ്പ്രസ്
കൊച്ചുവേളി - അമൃതസർ സൂപ്പർഫാസ്റ്റ് എക്സ്പ്രസ്
തിരുവനന്തപുരം- വെരാവൽ എക്സ്പ്രസ്
നാഗർകോവിൽ - ഗാന്ധിധാം എക്സ്പ്രസ്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ